२३ औं गोधुली रनिङ कप फुटबलः वडा नं. १४ को फराकिलो जित

दिव्य रोशनी(धरान)/ धरानमा जारी २३ औं टुबोर्ग गोधुली रनिङ कप फुटबल प्रतियोगितामा १४ नं. वडाले २ नं. वडालाई ७–१ को फराकिलो अन्तरमा पराजित गरेको छ।
१४ नं. वडाका लागी सरोज राई ४ गोल गरेका थिएभने विवेश राई र सौगात गुरुङले एक÷एक गोल गरेका थिए । त्यस्तै अर्काे गोल भने २ नं. वडाका विवश मगरले आत्माघाती गोल गरेका थिए। धरान– २ का तर्फबाट केशव राईले सान्त्वना गोल गरेका थिए। १४ नं. वडा प्रतियोगिताको उपाधी दाबेदार टोली समेत हो । उसले २१ संस्करणको उपाधी जितेको थियो । प्रतियोगितामा पहिलो ह्याट्रिक गर्ने खेलाडी बनेका सरोज राई खेलको म्यान अफ द म्याच समेत घोषित भए। उनले नगद १५ सय सहित मेडल पुरस्कार प्रप्त गरे।
पुष ३० गतेदेखि माघ १४ गतेसम्म धरान रंगशालामा हुने प्रतियोगितामा धरानका २० वटै वडाको सहभागिता रहेको छ । प्रतियोगिताको बिजेताले नगद १ लाख ५० हजार, उपबिजेताले नगद ७५ हजार र विधागत उत्कृष्टले नगद ५ हजार पुरस्कार प्राप्त गर्नेछन् ।
भोली मंगलवारको पहिलो खेल ठिक १ बजे वडा नं. १२ र वडा नं. ८ बिच हुने र दोस्रो खेल दिउसो ३ बजे वडा नं. ९ र वडा नं. १९ बिच हुने आयोजक गोधुली क्लबका उपाध्यक्ष सतिस केसीले जानकारी दिए।