कोरोना संक्रमण दर बढ्योः सोमवार थप ७४४८ जनामा कोरोना संक्रमण पुष्टि

(दिव्य रोशनी)/ नेपालमा कोरोना संक्रमण दर बढ्दै गएको छ।सोमवार मात्रै थप ७ हजार ४ सय ४८ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको पीसीआर परीक्षणमा ७३८८ जना र एन्टिजेन परिक्षणमा ६० जनागरी ७ हजार ४ सय ४८ जनामा कोरोना संक्रमण पुष्टि भएसँगै नेपालमा कुल संक्रमितको संख्या ३ लाख ४३ हजार ४ सय १८ पुगेको छ।
यसैगरी मन्त्रालयका अनुसार पछिल्लो २४ घण्टामा कोरोनालाई जितेर २ हजार २१ जना डिस्चार्ज भएका छन्। कोरोनालाई जितेर हालसम्म डिस्चार्ज हुनेको संख्या २ लाख ८६ हजार १५ पुगेको छ।
यसैगरी यसैगरी पछिल्लो पटक थप मृतक ३७ जनामा कोरोना संक्रमण पुष्टि भएको छ। हालसम्म कोरोना संक्रमणबाट ३ हजार ३ सय ६२ जनाको मृत्यु भएको मंत्रालयले जनाएको छ।