दिव्य रोशनी अनलाईन

श्रमजीवी पत्रकार महिलाद्वारा सम्पादित तथा प्रकाशित

धरान विशेष फिचर स्वास्थ्य/जिवनशैली 

गोर्खा वेलफेयरद्धारा स्वास्थ्य सामग्री सहयोग

दिव्य रोशनी 2,679 टिप्पणीहरू

(दिव्य रोशनी)/ गोर्खा वेलफेयर ट्रष्ट नेपालले धरान उपमहानगरपालिका र नेपाल पत्रकार महासंघ सुनसरीको सहकार्यमा सञ्चालनमा रहेको आईशोलेसन सेन्टरलाई स्वास्थ्य सामग्री उपलब्ध गराएका छन् ।
धरान १९ स्थित हरियाली सामुदायिक भवनको आवास गृह परिषरमा एक कार्यक्रमको आयोजना गर्दै गोर्खा वेलफेयर ट्रष्ट नेपालले आज (बुधबार) ९ लाख २८ हजार रुपैयाँ बराबरको स्वास्थ्य सामग्री धरान उपमहानगरपालिकाका मेयर तिलक राईलाई हस्तान्तरण गरेका हुन् ।
एरिया वेल्फेयर सेन्टर धरानका प्रमुख अफिसर पूर्णप्रसाद लिम्बुका अनुसार आईशोलेसन सेन्टरलाई ३ थान अक्सिजन कनेक्टरका साथै पल्स अक्सिमिटर २० थान र पीपीई सेट २ सय थान सहयोग प्रदान गरिएको छ । प्रमुख अफिसर लिम्बुले आवश्यक परेको खण्डमा आईशोलेसन सेन्टरलाई थप सहयोग गर्ने प्रतिवद्धता जनाउँदै प्रदेश १ को २२ स्थानमा गोर्खा वेल्फेयरले स्वास्थ्य सामग्री सहयोग गरिएको बताउनुभयो ।
मेयर तिलक राईले स्वास्थ्य सामग्री ग्रहण गर्दै गोर्खा वेल्फेयरको प्रशंसा गर्नुभयो । मेयर राईले गोर्खा भूतपूर्व आर्मीहरुको सेवा, आश्रीत परिवार र गोर्खा भूतपूर्वहरुको बसोबास रहेको क्षेत्रमा गोर्खा वेल्फेयरले विभिन्न मानवीय सेवाहरु गरिरहेको बताउनुभयो । धरान गोर्खा भुपुहरुको अत्यन्तै बाक्लो बस्ती भएको बताउदै मेयर राईले भने, “गोर्खा वेल्फेयर ट्रष्टले विपदको बेलामा, खानेपानी, शिक्षा लगायत विभिन्न क्षेत्रहरुमा सहयोग गरिरहेको छ ।” धरान उपमहानगरपालिकालाई यसभन्दा अघि कोभिड १९ को पहिलो लहरमा पनि गोर्खा वेल्फेयरले सहयोग गरेको थियो । कोभिड १९ को दोस्रो लहरमा पनि अत्यन्तै महत्वपूर्ण स्वास्थ्य सामग्री सहयोग गरेको भन्दै गोर्खा वेल्फेयर ट्रष्टलाई धन्यवाद व्यक्त गर्नुभयो । मेयर राईले डेडबढी व्यवस्थापनका लागि नेपाल आर्मी र स्काउट नेपालसँग समन्वय गरिरहेको जानकारी दिनुभयो । साथै, मेयर राईले आईशोलेसनमा बसेका संक्रमित विरामीहरुको पनि स्वास्थ्य अवस्था बुझेका थिए ।
हरियाली आईशोलेसन सेन्टरमा खटिएकी स्वास्थ्यकर्मी दिपकला राईले सेन्टरमा १२ जना कोरोना संक्रमित विरामीहरु बसिरहेको जानुकारी दिनुभयो । उहाँले भन्नुभयो, “आईशोलेसन सेन्टरमा १४ जना संक्रमित बसेका थिए । २ जना ठीक भएर डिस्चार्ज भयो । अहिले १२ जना हुनुहुन्छ । उहाँहरुको स्वास्थ्य अवस्था सामान्य छ ।”

छुटाउनुभयो कि ?

फागुन ११ देखि धरान एक्स्पो” हुने(भिडियो सहित)

दिव्य रोशनी

दलितहरुलाई चुनावले झन् दुःखी बनायो

दिव्य रोशनी

तीन दिने चलचित्र पत्रकारिता कार्यशाला सम्पन्न

दिव्य रोशनी 5,794

2,679 thoughts on “गोर्खा वेलफेयरद्धारा स्वास्थ्य सामग्री सहयोग”

टिप्पणी छोड्नुहोस्

Your email address will not be published. Required fields are marked *