राष्ट्रिय प्रतियोगितामा सहभागि हुन जाने धरान बास्केटवल टिमको विदाई
![](https://divyaroshani.com/wp-content/uploads/2024/07/nbk-ad.jpeg)
यहि फागुन २८ गते देखि काठमाण्डौमा हुन लागेको थ्री बाई थ्री महिला पुरुष राष्ट्रिय प्रतियोगितामा सहभागि हुन लागेका धरानका बास्केटवल खेलाडिहरुलाई शुक्रवार विदाइ गरेको छ ।
सुनसरीको प्रतिनिधित्व गर्दै गर्दै धरान वाट पुरुष टिमले सहभागिता जनाउने भएको छ । शुक्रवार धरान बास्केटवल टिमका ५ जनाको टोलिलाई विदाई गरिएको थियो । उनिहरुलाई वुद्धचोक स्थित एमसि क्याफेमा बास्केटवल प्रशिक्षक विकास चाम्लिङ राई र नेपाल पत्रकार महासंघ सुनसरीका अध्यक्ष जनकऋषि राईले खदा लगाएर विदाइ गरेका थिए । धरान बास्केटवल टिमले नेपाल बास्केटवल संघका केन्द्रिय सदस्य रोशन राईको नेतृत्वमा कविन मगर, सर्वोधन राई, सुजन राई र रियोन राजवंशिले सहभाागिता जनाउनेछ । टिमका लागि धरान १० न. वडाका वडाध्यक्ष एवं सुनसरी बास्केटवल संघका उपाध्यक्ष विवेक राईले जर्सी प्रदान गरेको छ । नेपाल बास्केटवल संघको आयोजनामा आयोजित महिला पुरुष ओपन राष्ट्रिय प्रतियोगितामा धरान वाट पुरुष टिमले मात्र सहभागिता जनाएका हुन । प्रतियोगितामा पुरुष तर्फ ४० र महिला तर्फ ८ टिमले सहभागिता जनाएको छ । प्रतियोगितामा राष्ट्रिय अन्तराराष्ट्रिय टिम तथा खेलाडिहरुको सहभागिता रहेको छ ।
![](https://divyaroshani.com/wp-content/uploads/2024/07/FB_IMG_1720583705919.jpg)