हिसान बास्केटवलमा धरान मेघा हिमालयन र धरान उच्च च्याम्पियन

दिव्य रोशनी(धरान) / हिसान स्पोर्टस मिट अन्र्तगत भइरहेको हिसान बास्केटलको उपाधि धरान मेघा हिमालयन र धरान उच्च माविले चुमेको छ ।
शनिवार भएको फाइनल खेलमा पुरुष तर्फ धरान मेघा हिमालयनले एम्स एकेडेमिलाई ४५–३४ र महिला तर्फ धरान उच्चले धरान मेघालाई २१–११ अंकले पराजित गर्दै उपाधि माथि कव्जा जमाएका हुन । हिसान सुनसरीको आयोजनामा संपन्न पुरुष तर्फको फाइनल खेलको प्रत्येक क्वाटरमा मेघा हिमालयन र एम्स एकेडेमिले १३–९, १०–१२, १३–१० र ९–३ अंक जोडेका थिए । यसै गरि महिला तर्फ धरान उच्च र मेघा हिमालयनले ६–२,२–६,९–१ र ४–२ अंक जोडका थिए । विजेता तथा उपविजेता खेलाडिहरुलाई ट्रफि, मेडल र प्रमाणपत्र प्रदान गरिएको थियो ।
यसैगरि फाइनल खेलको म्यानअफ द म्याच पुरुष तर्फ धरान मेघाका सविन राई र महिला तर्फ धरान उच्चका सविना राई घोषित भए । मोस्ट इमर्जिङ्ग प्लेयरमा पुरुष तर्फ एम्सका सितम लिम्वु र महिला तर्फ मेघा हिमालयनका संझना राई घोषित भए। हाई स्कोररमा पुरुष तर्फ धरान आर्दशका सौगात मल्ल र महिला तर्फ धरान उच्चका सन्ध्या राई घोषित भइन् । प्रतियोगिताको उत्कृष्ट खेलाडि मोस्ट भ्यालुएवल प्लेयर पुरुष तर्फ मेघा हिमालयनका योगेश राई र महिला तर्फ धरान उच्चका सन्ध्या राई घोषित भइन् । उनिहरुलाई ट्रफि र प्रमाणपत्र प्रदान गरिएको थियो।
प्रतियोगिताका विजेता तथा उपविजेताहरुलाई कार्यक्रमका प्रमुख अतिथि प्रदेश १ सभासद रमेश वस्नेत, कार्यक्रमका सभाध्यक्ष हिसान बास्केटवलका संयोजक अर्जुन घिमिरे, हिसान सुनसरीका अध्यक्ष सागर भट्टराई हिसान स्पोर्टस मिटका संयोजक हेमन्त भण्डारी लगायतले पुरस्कार वितरण गरेका थिए ।
धरान मेघा हिमालयन कलेजको बास्केटवल कोर्टमा संपन्न प्रतियोगिताको समापन कार्यक्रमको उद्घाटन प्रमुख अतिथिले द्धिप प्रज्वलन गरि रेफ्रिलाई वल हस्तान्तरण गर्दै गरेका थिए। प्रतियोगिताको प्राविधिक सहयोग धरान बास्केटवल संघको रहेको थियो।