धरानमा ज्येष्ठ नागरिकहरुलाई कोभिड १९ विरुद्धको खोप (भेरो सेल) लगाउन सुरु

दिव्य रोशनी(धरान) / धरानमा कोभिड १९ विरुद्धको खोप लगाउन शुरु गरिएको छ।
चिनियाँ अनुदानमा प्राप्त भएको भेरोसेल खोप धरानको छाताचोकस्थित स्वास्थ्य चौकीमा आजदेखि ज्येष्ठ नागरिकहरुलाई लगाउन शुरु गरिएको हो । धरान उपमहानगरपालिकाका स्वास्थ्य महाशाखा प्रमुख उमेश मेहताका अनुसार धरानमा भेरो सेल खोप २ हजार १ सय ६० डोज आएको छ । धरानमा जेठ २५, २६ र २७ गतेसम्म तीन दिन खोप लगाईने मेहेताले जानकारी दिनुभयो । स्वास्थ्य प्रमुख मेहेताका अनुसार आज बिहान १० बजेदेखि खोप ६० वर्षदेखि ६४ वर्ष उमेरसम्मका ज्येष्ठ नागरिकहरुलाई लगाउन शुरु गरिएको छ । गत फागुनमा कोरोनाविरुद्ध अग्रपंक्तिमा खटिएका स्वास्थ्यकर्मी, सुरक्षाकर्मी, ज्येष्ठ नागरिक, कर्मचारी लगायतलाई भारतले अनुदान दिएको खोप कोभिसिल्ड लगाइएको थियो। उनीहरुका लागि दोस्रो डोजको खोप आगामी असार पहिलो सातादेखि लगाउने स्वास्थ्य महाशाखाले जनाएको छ ।
धरान उपमहामहानगरपालिकाका मेयर तिलक राई, उपप्रमुख मञ्जु भण्डारी र प्रशासकिय अधिकृत विदुर प्रसाद खनाल पनि भेरो सेल खोप लगाएको स्थानमा स्थलगत निरिक्षण गर्न पुग्नु भएको थियो।