उदाउँदो सूर्यलाई अर्घ दिएर छठपर्व सम्पन्न
![](https://divyaroshani.com/wp-content/uploads/2024/07/nbk-ad.jpeg)
दिव्य रोशनी(धरान)/ उदाउँदो सूर्यलाई अर्घ दिएपछि यस वर्षको छठपर्व सम्पन्न भएको छ ।
हिजो आईतवार अस्ताउँदो सूर्यको पूजा आराधना गरी अर्घ दिएका व्रतालुहरूले आज सोमवार उदाउँदो सूर्यलाई अर्घ दिएपछि छठ पर्व सम्पन्न भएको हो। छठपुजाका लागी धरानको सर्दु र सेउतीखोलामा विशेष साजसज्जका साथ घाटहरु तयार पारिएका थिए। छठपुजामा विगतका वर्षहरुमा भन्दा धेरै श्रद्धालुभक्तजनहरुको भिड थियो।
![](https://divyaroshani.com/wp-content/uploads/2024/07/FB_IMG_1720583705919.jpg)
![](https://divyaroshani.com/wp-content/uploads/2024/07/FB_IMG_1720780793468.jpg)
छठ पर्व प्रत्येक वर्ष कार्तिक शुक्ल चतुर्थीका दिन व्रत आरम्भ गरी सप्तमीको दिन पूरा गरिन्छ। छठमा विशेषगरी सूर्य र छठी माताको पूजा आराधना गर्ने परम्परा छ। विधिपूर्वक उपासना गर्नाले पारिवारिक सुख–समृद्धि प्राप्त हुने र छालाका रोग नास हुने विश्वास गरिन्छ।
विशेष गरी मिथिलाञ्चल क्षेत्रमा मनाइने यो पर्व पछिल्लो समय पहाडी क्षेत्रहरूमा पनि मनाउन थालिएको छ।
![](https://divyaroshani.com/wp-content/uploads/2023/11/122.jpg)
![](https://divyaroshani.com/wp-content/uploads/2023/11/qw12deew.jpg)
![](https://divyaroshani.com/wp-content/uploads/2024/07/FB_IMG_1720583788343.jpg)