दिव्य रोशनी अनलाईन

श्रमजीवी पत्रकार महिलाद्वारा सम्पादित तथा प्रकाशित

फिचर राजनिती 

मध्यरातमा प्रतिनिधीसभा विघटनःकात्तिक २६ र मंसिर ३ गते चुनाव हुने

दिव्य रोशनी 274 टिप्पणीहरू

दिव्य रोशनी/ राष्ट्रपति विद्यादेवी भण्डारीले प्रतिनिधिसभा विघटन गरेर मध्यावधि चुनाव घोषणा गरेकी छन् । प्रतिनिधिसभा सदस्यका लागि चुनाव आगामी कात्तिक २६ र मंसिर ३ गते गरी दुई चरणमा हुने भएको छ ।
शुक्रवार मध्यरातमा बसेको मन्त्रिपरिषद् बैठकले संविधानको धारा ७६(७) अनुसार प्रतिनिधिसभा भंग गरी मध्यावधि घोषणा गर्न राष्ट्रपतिसमक्ष सिफारिश गर्ने निर्णय गरेको थियो ।धारा ७६(७) मा भनिएको छ, “उपधारा (५) बमोजिम नियुक्त प्रधानमन्त्रीले विश्वासको मत प्राप्त गर्न नसकेमा वा प्रधानमन्त्री नियुक्त हुन नसकेमा प्रधानमन्त्रीको सिफारिशमा राष्ट्रपतिले प्रतिनिधिसभा विघटन गरी ६ महीनाभित्र अर्को प्रतिनिधिसभाको निर्वाचन सम्पन्न हुने गरी निर्वाचनको मिति तोक्नेछ ।”
संसद भंग गर्नुअघि राष्ट्रपति भण्डारीले प्रधानमन्त्री नियुक्तिका लागि ओली र नेपाली कांग्रेसका सभापति शेरबहादुर देउवाले गरेको दाबी अस्वीकार गरेकी थिइन् ।
राष्ट्रपतिले संविधानको धारा ७६(५) अनुसार प्रधानमन्त्री नियुक्तिका लागि संसदको विश्वासको मत प्राप्त गर्ने आधार पेश गर्न आह्वान गरेपछि ओली र देउवाले दाबी पेश गरेका थिए । देउवाले आफ्नो दल कांग्रेसका ६१, माओवादी केन्द्रका ४९, एमाले माधव नेपाल समूहका २६, जसपा उपेन्द्र यादव समूहका १२ र राष्ट्रिय जनमोर्चाका एक गरी १४९ सांसदको हस्ताक्षरसहित प्रधानमन्त्री नियुक्तिका लागि दाबी गरेका थिए । ओलीले भने एमालेका १२१ र जसपाका ३२ सांसदले आफूलाई साथ दिने दाबी गरेका थिए ।
तर दुवैको समर्थनकर्ता भनिएका सांसदहरु एकअर्कामा दोहोरो परेको, दलको निर्णय विपरीत एकले अर्कालाई समर्थन गरेको र सम्बन्धित दलले मान्यता नदिन लेखेर आएको भन्दै राष्ट्रपतिले दुवैको दाबी नपुग्ने निर्णय गरेकी थिइन्।
हेरांै राष्ट्रपति कार्यालयको विज्ञप्तीः

छुटाउनुभयो कि ?

एभनिर क्यामरुनलाई बुढासुब्बा गोल्डकपको उपाधी

दिव्य रोशनी

नेपाल पत्रकार महासंघ सुनसरीको अध्यक्षमा जनकऋषी राई विजयी

दिव्य रोशनी 221

शनिवार थप १२८ जनामा कोरोना संक्रमण पुष्टिः १६१ संक्रमण मुक्त

दिव्य रोशनी 0

274 thoughts on “मध्यरातमा प्रतिनिधीसभा विघटनःकात्तिक २६ र मंसिर ३ गते चुनाव हुने”

टिप्पणी छोड्नुहोस्

Your email address will not be published. Required fields are marked *