टंक राना हङकङ सरकारको सल्लाहकार

धरान ११ घर भई हाल हङकङ वस्दै आउनु भएका हङ्गकङ्ग नेपाली महासंघका पुर्व अध्यक्ष हङ्गकङ्गका सफल व्यवसायी टंक रानाले यसै महिना तिन तिन वटा महत्वपुर्ण पद पाउन सफल भएको छ ।
गत हप्ता हङ्गकङ्ग सरकारले समाजसेवी रानालाई राष्टिय सुरक्षाको क्षेत्रीय सल्लाहकार पदमा नियुक्त गरेको छ । यस भन्दा अधि उनले हङ्गकङ्ग सरकारको आपतकालिन स्वयम सेवक टोलीमा वसेर काम गर्दै आएका थिए । हङ्गकङ्गको सुरक्षा सचिवालय र गृह तथा युवा मामिला विभागले याय चि मोङ्गंमा आयोजित एक समारोहमा राष्टिय सुरक्षा क्षेत्रीय सल्लाहकारको रुपमा नियुक्त गरेको हो । विगत तिन दशक देखि हङ्गकङ्गमा वस्दै आएका रानाले विभिन्न समयमा नेपाल र हङ्गकङ्गमा पुर्याउनु भएको योगदान,सामाजिक सेवा र चिनिया भाषा प्रशिक्षणमा सफल भए पछि रानालाई सरकारले सल्लाहकारमा नियुक्त गरेको हो ।

कोभिड १९ को वेला हङ्गकङ्गमा मास्कको अभाव भएको वेला नेपालवाट मगाएर हङ्गकङ्गका हजारौ मानिसहरुलाई रानाले निशुल्क वितरण गरेका थिए ।यसै गरी दोश्रो लहरमा नेपालमा अक्सीजनको अभाव भएको वेला हङ्गकङ्गका दाताहरुवाट संकलन गरी प्रति थान झण्डै ३ लाख पर्ने २ सय थान अक्सीजन कन्सन्टेटर नेपालको अति दुर्गम गाउ सम्म पुर्याएर निशुल्क वितरण गरेका थिए । मनाङ्ग,मस्ताङ्ग देखि लिएर ताप्लेजुङ,वाजुरा सम्म को दुर्गम गाउका स्वास्थ्य चौकिहरुमा आफै पुगेर वितरण गरेका थिए । ”यो नियुक्ती मेरो लागी त सरप्राइज जस्तै भयो । हङ्गकङ्गमा वस्ने कमै मात्र अल्पसंख्यक समुदायले यस्तो नियुक्ती पाउने भएकोले आफुमा जिम्मेवारी थपिएको महसुस गरेको राना वताउछन ।
यसै साता रानालाई याउमा तेई काईफोङ्ग संघले आफनो ७५ औ वार्षिकोत्सवको अवसरमा संघको संचालक समितिको सदस्यमा मनोनित गरेको छ । याउमा तेई काइफोडग संघ हङ्गङ्गकको पुरानो र प्रतिष्ठित सामाजिक संस्था मानिन्छ । उक्त संस्थाले हङ्गकङ्गमा वसोवार गर्ने अल्पसंख्यक जातीहरु मध्ये नेपाली समुदायको तर्फवाट मनोनित गरेको हो । सो संस्थामा हङ्गहङ्गका सरकारी निकायका अवकास प्राप्त अग्रजहरु त्यहाका धनाढय कम्पनीका संचालकहरु वोर्ड अफ डाइरेक्टरका रुपमा वस्ने गरेका छन ।
रानालाई यसअधि नेपाल सरकारले पनि सामाजिक सेवा पदकवाट सम्मानित गरी सकेको छ भने हङ्गकङ्ग सरकारले पनि एक्टीभ कमेण्डेसन सर्भिस अवार्डवाट सम्मानित गरी सकेको छ ।
यसै गरी नेपालीहरुले ५ वर्ष अधि स्थापना गरेको अटिजम (अपाङ्ग ) वालवालिक लाई निशुल्क सेवा दिने कृति वालवालिका सुधार केन्दको निर्देशकको पदमा जिम्मेवारी पाएका छन । सो संस्थामा संस्थाकी संस्थापक निर्देशक धरान १० कि समाजसेवी पुष्पा गुरुड,सह संस्थापक डा दिव्या गुरुड,सह संस्थापक करिश्मा राई अर्की सह संस्थापक अश्मी घण्डे रहेका छन ।