मगर अक्खा लिपिको प्रशिक्षण सम्पन्न

नेपाल मगर संघ धरान उपमहानगर समितिको आयोजनामा संचालन गरिएको एकहप्ते “मगर अक्खा लिपि प्रशिक्षण” सम्पन्न भएको छ ।
धरान १५ स्थित पुर्वान्चल ज्ञानचक्षु विद्यालयमा यहि चैत १० गतेबाट संचालन गरिएको “मगर अक्खा लिपि प्रशिक्षण” १६ गते सम्पन्न भएको हो।
धरानको वडा नं १५ लक्षित प्रशिक्षणमा ९ जना महिला सहित २१ जना सहभागी प्रशिक्षार्थी उपस्थिति रहेका थिएभने प्रशिक्षणमा गैर मगर समुदाय एक जना र गैर वडा बासी ४ जना प्रशिक्षार्थीहरु सहभागी रहेका थिए। प्रशिक्षणमा सन्जोग थापा मगर समूह उत्कृष्ट हुन सफल भएका थिए। प्रशिक्षणको मुख्य प्रशिक्षकमा जुनी थापा मगर र एलिशा आले मगर रहेका थिएभने सहायक प्रशिक्षकमा विकास आले मगररहेका थिए।
कार्यक्रममा संघका अध्यक्ष चित्रराज थापा मगरले प्रशिक्षणको बारेमा प्रकाश पार्दै लोप हुन लागेको मगर अक्खा लिपीलाई पुस्ता हस्तान्तरणका लागी कार्यक्रमको आयोजना गरिएको बताए। उनले यस्ता कार्यक्रमले आफ्नो भाषा र लिपीलाई जिवित राख्न सघाउ पुर्याउने समेत बताए। उनका अनुसार धरान उपमहानगरपालिकाको सहयोगमा संघले हालसम्म वडा नं १, ५, ६, १३, १४, १६, १७, १८, १९ र २० मा “मगर अक्खा लिपि प्रशिक्षण” सम्पन्न गरिसकेको छ।