सम्यकमा राउण्ड टेबलद्वारा विविध कार्यक्रम
![](https://divyaroshani.com/wp-content/uploads/2024/07/nbk-ad.jpeg)
दिव्य रोशनी(धरान)/ श्री सम्यक शिक्षा आधारभूत विद्याललय धरान १७ उदयटोलमा राउण्ड टेबलले विविध कार्यक्रमको आयोजना गरेको छ ।
मंगलवार आयोजित कार्यक्रममा आ.व. २०८०/०८१ संघिय वित्तिय हस्तान्तरण शैक्षिक गुुणस्तर सुदृढीकरण कार्यक्रम अन्तर्गत सशर्त अनुदान क्रियाकलाप २/७/१३/१३ अन्तर्गत धरान उपमहानगरपालिका कार्यालयबाट प्राप्त विज्ञान प्रयोगशालाको उद्घाटन तथा हस्तान्तरण समेत गरिएको थियो । सो कार्यक्रममा धरान राउण्ड टेबल २६ बाट विज्ञान प्रयोगशालाको लागि कक्षाकोठाको मर्मत तथा पाटेशन, तीनवटा कक्षाकोठाको भुुई ढलाइ, बालगृह खेलमैदानको मर्मत, विद्यालयमा फुलबारी निर्माण र कक्षा १ र बालविकास केन्द्रका लागि पंखा र विजुुली जडान मर्मत गरिएको कार्यक्रम संयोजक धरान राउण्ड टेबल २६ का भुुतुपूर्व अध्यक्ष लक्ष्मीकान्त वियानीले बताए।
![](https://divyaroshani.com/wp-content/uploads/2024/07/FB_IMG_1720583705919.jpg)
![](https://divyaroshani.com/wp-content/uploads/2024/06/448258558_923454889538198_7832569816253032247_n.jpg)
धरान राउण्ड टेबल २६ का अध्यक्ष शेंकी अग्रवालको सभापतित्वमा सम्पन्न कार्यक्रममा प्रमुुख अतिथि राउण्ड टेबल इन्टरनेशनलका निवर्तमान अध्यक्ष जयन्त अग्रवाल रहेका थिएभने अतिथिहरुमा राउण्ड टेबल नेपालका अध्यक्ष नितेश अग्रवाल र राउण्ड टेबल नेपालका एरिया २ का को–ओडिर्नेटर विवेक राठी रहेका थिए।
कार्यक्रममा धरान राउण्ड टेबल २६ का पदाधिकारीहरुको समेत उपस्थिति रहेको थियो।